Սովորական մի օր, ԱՄՆ-ից Ջազմին Գարսա անունով 20–ամյա աղջիկը հանկարծակի գլխապտույտ զգաց, ընկավ գետնին և սկսեց ցնցվել։
Այս մարզասեր աղջկա ընկերն նկատեց, որ նրա սիրտը դադարել է բաբախել և շնչառությունը դադարել է։ Նա անմիջապես սկսեց սրտի մերսում (CPR), մինչև շտապօգնության աշխատակիցները ժամանեցին և էլեկտրական շոկ սարքով փորձեցին սիրտը նորից աշխատեցնել։
Սակայն սա միայն սկիզբն էր Ջազմինի մղձավանջի։ Հիվանդանոց տեղափոխվելու ճանապարհին նրա սիրտը բազմիցս կանգեց, ամենաերկարը՝ մինչև 5 րոպե։
Յուրաքանչյուր սրտի կանգի ժամանակ ուղեղը և օրգանները թթվածնից զրկվում էին, ինչը լուրջ վնաս էր հասցնում թոքերին, երիկամներին և սրտին։
Բժիշկները նրան միացրեցին կյանքի աջակցման սարքերի, և ընտանիքին ասացին․ «Նա հրաշքի կարիք ունի, որպեսզի փրկվի ու վերադառնա այն Ջազմինին, որին ճանաչում ենք»։
«Անցած տարվա նոյեմբերին մարզասրահում էի։ Հանկարծ անհարմար զգացի։ Սովորաբար կոֆեին պարունակող ըմպելիքներ չեմ խմում, բայց այդ օրը փորձեցի էներգետիկ ըմպելիք՝ ուժ ստանալու համար։ Ոչ շատ անց՝ գլխապտույտ, գունատություն և գիտակցություն կորցրեցի», – հիշում է Ջազմինը։
Հետագայում նրա ընկերը կարծում էր, թե դա էպիլեպսիայի նոպա է, բայց երբեք նման բան չէր տեսել։
Հիվանդանոցում Ջազմինը միացված էր միանգամից երեք կյանքի աջակցման սարքերի՝
- ECMO՝ արյան թթվածնավորման համար,
- դիալիզի սարք՝ երիկամների մաքրման համար,
- սարք՝ թթվածնի մակարդակը վերահսկելու համար։
Բժիշկները նաև սրտի ռիթմը վերահսկելու և վտանգի դեպքում էլեկտրաշոկ տալու համար դեֆիբրիլյատոր տեղադրեցին։
Չնայած բազմաթիվ հետազոտություններին՝ բժիշկները չկարողացան բացատրել Ջազմինի սրտի կանգի պատճառը։
Երկու շաբաթ կյանքի համար պայքարելուց հետո աղջիկը հրաշքով սկսեց ապաքինվել․ «Ամեն օր ավելի ուժեղ էի դառնում։ Բժիշկները բազմաթիվ սրտի թեստեր արեցին, բոլորը նորմալ էին։ Ոչ մի հիվանդություն չգտան և չկարողացան բացատրել, թե ինչու այդպես եղավ», – պատմում է նա։
Ջազմինը կարծում է, որ կոֆեին պարունակող էներգետիկ ըմպելիքը համատեղվել է սրտի թաքնված խնդիրների հետ և առաջացրել ճգնաժամը։
«Ես երբեք լուրջ չէի վերաբերվել սրտիս։ Երբեմն սրտխփոց ունեի, բայց դա նյարդայնության տեղ էի դնում։ Հիմա պարզ է, որ խնդիրը միշտ եղել է, ուղղակի անտեսել եմ», – ասում է նա։
Թեև Ջազմինը ապաքինվեց, փորձությունը մեծ ազդեցություն ունեցավ իր և իր ընկերոջ կյանքի վրա։ Երկուսն էլ կորցրեցին աշխատանքը երկար արձակուրդի պատճառով և բախվեցին հսկայական հիվանդանոցային հաշիվների։
Կյանքի և մահվան սահմանագծին կանգնելը նաև փոխեց Ջազմինի մտածելակերպը․ «Կարծում եմ՝ ինձ երկրորդ կյանք տվեցին։ Եթե սա պատահեր, երբ ես մենակ էի կամ մի քանի տարի հետո, գուցե չապրեի։ Բժիշկներն ասացին՝ սա հրաշք էր, ես բառացիորեն մեկ քայլ հեռու էի մահից»։
Երիտասարդ կինը կոչ է անում բոլորին ուշադրություն դարձնել իրենց մարմնի ազդակներին և ժամանակին ստուգել առողջական հնարավոր խնդիրները։
Միաժամանակ, այդ էներգետիկ ըմպելիքը պարունակում էր 200 մգ կոֆեին, ինչը հավասար է երկու բաժակ սուրճի կրկնակի չափին։ Թեպետ ըմպելիքը վիտամիններ և սննդարար նյութեր էր պարունակում, բարձր կոֆեինի մակարդակը կարող է վտանգավոր լինել սրտի համար, հատկապես այն մարդկանց, ովքեր ունեն թաքնված սրտային խնդիրներ։
